Алматыда «Мүгедектікке құқықтық қарау» тренингі өтті
10 Тамыз, 2014 14:32
Алматыда 20 мүмкіндігі шектеулі жас «Мүгедектікке құқықтық қарау» тренингіне қатысты, шараны «Шырақ» мүмкіндігі шектеулі әйелдер қауымдастығы ұйымдастырды, деп damu.kz хабарлады.
Тренингтің мақсаты – мүмкіндігі шектеулі жастардың адвокаттық әлеуетін дамыту және көшбасшылық қасиетті қалыптастыру.
Тренингте мүмкіндігі шектеулі жандарға құқықтық тұрғыдан қайырымдылық, медициналық және әлеуметтік түсініктерді қалыптастыру қарастырылды.
Сондай-ақ, тренингтің тағы бір міндеті жастарға өз қажеттіліктері мен проблемаларын ашық айтуға бейімдеу болып табылады.
Тренингке қатысушылардың пікірінше, мүмкіндігі шектеулі жандардың қоғамның ажырамас бөлігі болуына қоғамдағы адамдардың өздері ерекше әсер етеді.
