ҰКП мүгедектер құқығын қорғауда
9 Тамыз, 2014 15:34
Ұлттық кәсіпкерлер палатасы Қазақстан Республикасының «Мүгедектердің құқығын қорғау бойынша ҚР бірқатар заңнамалық актілеріне өзгертулер мен толықтырулар енгізу» Заңына енгізетін өзгертулердің тізімін дайындады. Ұсыныс мүмкіндігі шектеулі адамдардың кәсіпкерліктегі құқығын қорғауға бағытталған.
ҰКП-нің есептеуінше, нарық экономикасында қызмет ету үшін жұмыс берушілерге нарықтық уәждеме қажет. ҰКП-да өткен кеңесте бизнестің мүмкіндігі шектеулі жандарды қорғауға қатысуына мына шаралар ұсынылған: жұмыс орнын құру шығынын өтеу, мүгедектің жұмысқа орналасуына ұсынатын шығынды өтеу, жәрдемақыға субсидия енгізу, оқыту және жұмыс орнын қайта жабдықтау, мүгедектердің жұмыс орнын сақтап қалуды жүзеге асыру.
«Сондай-ақ, әлеуметтік сала және әлеуметтік серіктестік комитетінің төрағасы Талғат Доскеновтың айтуынша, мамандандырылған кәіпорындарды жаңғырту уақыты жетті. Бұл орайда мүгедектердің жағдайын кешенді түрде шешетін кәсіпкерліктердің бағдарламасын дайындау қажет», - деп palata.kz хабарлады.
