Ақсай қаласында 90 отбасы баспанамен қамтылды

9 Тамыз, 2014 12:36

Батыс Қазақстан облысы Бөрлі ауданының орталығы – Ақсай қаласында жергілікті жас отбасылар асыға күткен қуаныш жүзеге асты. Салтанатты рәсім барысында 90 жанұя аудан әкімінің қолынан жаңа пәтерлерінің кілтін алып, қоныстойын тойлады, деп облыс әкімдігінде хабарлады.

«Қолжетімді баспана - 2020» бағдарламасы аясында салынған, құрылысына 450 млн. теңге қаржы жұмсалған жаңа үйден пәтер алушылар алдымен аудан әкімдігі жанынан құрылған арнайы комиссияның сұрыптауынан өткен. Сосын «Тұрғын үй құрылыс жинақ банкі» АҚ-ға құжат тапсырып, банктің құптауын алған.

Яғни жас отбасылар пәтерді бастапқы жарнасыз және төмен пайыздық мөлшермен жалға алады. Сосын 8 жыл бойы пәтерде жалдау құнын және коммуналдық төлемдерді төлеп отырады әрі сонымен қатар бір мезгілде жинақ шотында пәтер құнының жартысын жинайды. Жартысы жиналғаннан кейін жас отбасылар тұрғын үйді жекешелендіріп, пәтерді өз меншігіне біржола ала алады. Жаңа үйдегі 6 пәтер екі бөлмелі, қалған 30-ы бір бөлмелі.

Әкімдікте хабарлағандай, Ақсайда баспанаға мұқтаж жастар өте көп. Сондықтан алдағы уақытта да тұрғын үй салу қарқынды жүргізілмек. «2012 жылы екі үйдің құрылысын бастаған едік. Бұған дейін 75 пәтерлік бес қабатты үйді пайдалануға берген болсақ, екіншісі осы 90 пәтерлік үй. Күні бүгін барлық санаттағы азаматтар үшін 144 пәтерлік тоғыз қабатты үй салынуда.

теги:

ключи от квартиры

Барлық жаңалықтар