Ақмола облысында 4,7 мың жұмыс орны ашылды
9 Тамыз, 2014 12:05
Ақмола облысының Индустрияландыру картасына 717 млрд теңгені құрайтын 63 жоба енді, ол 30 мың тұрақты жұмыс орнын ұсынады, деп «Ақмола Медиа Орталығы» хабарлады.
Қазіргі таңда қолданысқа құны 105,3 млрд теңге тұратын 44 жоба енгізіледі, 4,7 мың тұрақты жұмыс орны ашылды.
Ағымдағы жылы қолданысқа 1 531 жұмыс орнының ашылуымен құны 94,7 млрд теңге тұратын 15 жобаны қолданысқа беру жоспарланған.
2014 жылдың жарты жылдығы бойынша үш жоба іске қосылды: Шортанды ауданында полиэтилен өнімін өндіретін зауыт іске қосылды.Жобаның құны 161 млн теңге, жобалық қуаттылық жылына 1500 тонна өнім өндіреді. Целиноград ауданында газ блоктарын өндіретін «Жана Сервис - 2007» ЖШС ашылды. Жобаның құны – 226 млн теңге, қуаттылығы жылына 60 мың шаршы метр. 75 тұрақты жұмыс орны ашылды. Сондай-ақ, «РегионСтрой» ЖШС үй құрылысы комбинаты ашылды. Жобаның құны 1,0 млрд теңге, 41 тұрақты жұмыс орны ашылды.
