1277 кеденші «Қазтест» жүйесіне қатысты
8 Тамыз, 2014 18:21
Ағымдағы жылғы сәуір-шілде айларының аралығында «Қазтест» тестілеуіне қатысқандардың жалпы саны – 1277 кеденші, деп КБК хабарлады.
«Қазтест» жүйесі бойынша тестілеу технологиясына сәйкес тестіленушілерге «Тыңдалым», «Лексика-грамматикалық құрылым», «Оқылым» бөліктері бойынша 150 тест тапсырма ұсынылды. Тестілеу түрі – диагностикалық, яғни қазақ тілін меңгеру деңгейін анықтау тестілеуі болғандықтан, тапсырмалар құрамында бес деңгейдің (қарапайым, базалық, орта, ортадан жоғары, жоғары) тапсырмалары қамтылған.
«Аумақтық кеден органдарында «Қазтест» жүйесі бойынша тестілеу алғашқы рет өткізілуіне байланысты тестілеуден өтушілердің басым бөлігі үшін «Тыңдалым» бөлігін орындау барысында көп көңіл бөлінді», - деп хабарлады ведомствода.
