Мельбурнда Қазақстанның Құрметті консулдығы ашылды

8 Тамыз, 2014 09:16

Қазақстан Республикасының Сингапурдағы Елшісі және Австралиядағы елші қызметін қоса атқарушы Ерлан Баударбек-Қожатаев және Австралия Парламенті Өкілдер Палатасының Спикері Бронвин Бишоп (Bronwyn Bishop) Виктория штатының Мельбурн қаласында Қазақстанның Құрметті консулдығын ресми түрде ашты, деп ҚР СІМ хабарлады.

Елші Е.Баударбек-Қожатаев Австралиядағы қазақстандық қауымдастықтың негізін салушы және Қазақстандық-Австралиялық сауда өнеркәсіп палатасының президенті австралиялық кәсіпкер Эндрю Фернихоуға құрметті консул патентін табыстады.

Австралияның федералды Үкіметінің атынан сөз сөйлеген Бронвин Бишоп өндіруші сала мен ауыл-шарушылықтың басымдылығы бар ұлттық экономикалардың құрылымдары ұқсас екенін ескере отырып, Құрметті консулдықтың ашылуы екіжақты ынтымақтастықтың кеңеюіндегі маңызды қадам деп атады. Австралиялық саясаткер, елдер арасындағы өзара қатынастың едәуір әлеуетін атап өтіп, Қазақстанның Сидней қаласындағы Бас консулдығын жоспарланған ашылуын қоштады. Б.Бишоптың пікірінше, Қазақстан өз еркімен ядролық қарудан бас тартып және бейбіт атомды дамытып жатқан мемлекет және этникааралық және дінаралық үйлесімді құрған қоғам ретінде әлемнің басқа елдеріне үлгі.

Виктория штатының Үкіметі атынан сөйлеген сөзінде Заң шығарушы жиналысының Спикері Кристин Файф Құрметті консулдықтың ашылуы сауда-экономикалық ынтымақтастықтың жандануына әкелетініне сенім білдірді. Ол өзінің әріптестеріне Қазақстанмен парламентаралық достық лигасын құруға ұсыныс жасаймын деп жариялады.

Барлық жаңалықтар