Алматының өнеркәсіп саласы 6 айда 277 млрд теңгенің өнімін өндірген
7 Тамыз, 2014 16:32
Индустриализация картасы аясында Алматыда 28 жоба қолға алынды, олардың жалпы құны 531 млрд. теңге, сонымен қатар 5 мың жаңа жұмыс орны ашылды, деп қала әкімдігінде хабарлады.
«Жарты жылдықта аталған салада 277 млрд. теңгенің өнімі өндірілген», - делінген хабарламада.
Бизнестің жол картасы 2020» бағдарламасын жүзеге асырғалы бері 409 жоба орындалды, олардың жалпы құны 86 млрд. теңге, 11 млрд. теңге қаржылық көмек көрсетілді. 7,5 мың жаңа жұмыс орны ашылды.
Әкімдікте хабарлағандай, Алатау ауданында құрылысы жүріп жатқан Индустриалды аймақтың да берері мол болмақ. Мұнда жалпы құны 72 млрд. теңге болатын 21 жоба орналасатын болады. Олардың алғашқыларының құрылсы биыл қолға алынбақ.
