Жыл басынан бері «ҚазМұнайГаз» БӨ» АҚ таза пайдасы 210,3 млрд теңгені құрады
7 Тамыз, 2014 12:31
«ҚазМұнайГаз» БӨ» АҚ таза пайдасы былтырғы жылдың сәйкес кезеңіндегі 38,8 млрд. теңгемен (257 млн. АҚШ доллары) салыстырғанда, 2014 жылдың алғашқы алты айында 210,3 млрд. теңгені (1 193 млн. АҚШ долларын)[1] құрады. Бұл өсім 2014 жылдың ақпан айында болған теңге бағамының өзгеруі кезіндегі бағам айырмашылығынан түскен салықты алып тастағанға дейінгі пайданың есебінен болып отыр, деп хабарлады «Самрұқ - Қазына» ҰӘҚ»АҚ.
2014 жылдың алғашқы алты айындағы түсім 464,4 млрд теңгені (2 635 млн. АҚШ доллары) құрады, бұл 2013 жылдың сәйкесінше кезеңіндегіден 21% жоғары, бұл негізінен 2014 жылдың ақпан айында болған девальвацияның нәтижесінде теңгенің долларға шаққандағы орташа бағамының өсуіне байланысты.
Бренд маркалы мұнайдың орташа бағасы 2014 жылдың бірінші жарты жылдығында 2013 жылдың осы кезеңіндегі 107,5 АҚШ долларымен салыстырғанда 1% артып, барреліне 108,9 АҚШ долларды көрсетті.
Өндірістік шығындар 2014 жылдың алғашқы алты айында 88,5 млрд. теңгені (502 млн. АҚШ доллары) болса, бұл 2013 жылдың сәйкес кезеңімен салыстырғанда 7% артық.
