ЕАЭО әлемдік нарықта мықты ойыншы ретінде қалыптасуы керек - Бас Прокурор
7 Тамыз, 2014 11:02
Еуразиялық экномикалық одақ әлемдік экономикалық нарықта мықты ойыншы ретінде қалыптасуы керек, деді ҚР Бас Прокуроры Асхат Дауылбаев Қазақстан мен Ресейдің шекаралық прокуратура басшыларының форумында.
«ЕАЭО туралы келісім ортақ нарықтың құрылуына, адамдар мен капиталдың, қызметтердің еркін айналымына әкеледі. Сондықтан да, ЕАЭО әлемдік экономикалық нарықта мықты ойыншы ретінде қалыптасуы керек», - деді А. Дауылбаев.
«Жасыратыны жоқ, жағымды жайттар мен қатар қылмыстық істердің көбейетініне де дайын болуымыз керек. Қылмыстық құрылымдар кедергілердің болмауын өз пайдаларына асыру жолында мүмкіндікті жібермеуге тырысады», - деп ол толықтырды.
Сарапшылар болжамы бойынша, көлеңкелі экономика, заңсыз есірті тауарларының айналымы тек қана өседі.
«Осындай жағдайда қауіпті барынша төмендету мақсатында барлық шараларды қабыладуымыз керек», - деп атап өтті Бас прокурор.
Мадина Нұрбекова
