Бейжіңде ШЫҰ мүше-мемлекеттер ынтымақтастығының сұрақтары талқыланады
7 Тамыз, 2014 10:33
7-8 тамызда Бейжің (ҚХР) қаласында ҚР Ұлттық экономика министрлігі Хылықаралық ынтымақтастық департаментінің директоры Қайрат Төребаевтың төрағалығымен Шанхай ынтымақтастық ұйымына мүше-мемлекеттердің Сыртқы экономикалық және сыртқы сауда қызметіне жауапты министріктері мен ведомстволарының Аға лауазымды тұлғалары комиссиясының кезекті отырысы өткізіледі, деп ведомствоның баспасөз қызметі хабарлады.
Алдағы іс-шара барысында ШЫҰ-ға мүше-мемлекеттердің көпжақты сауда-экономикалық ынтымақтастық бағдарламасының және 2012-2016 жылдарға арналған ШЫҰ шеңберінде жобалық қызметті одан әрі дамыту бойынша іс-шаралар тізбесінің орындалуы бойынша, ШЫҰ Даму Банкін және Даму қорын құру, сондай-ақ ШЫҰ-ға мүше-мемлекеттердің Сыртқы экономикалық және сыртқы сауда қызметіне жауапты ШЫҰ-ға мүше-мемлекеттер министрлерінің кезекті отырысына дайындық мәселелерін талқылау жоспарланып отыр.
