Қазақстанда дәрігерлердің жауапкершілігі сақтандырылады
6 Тамыз, 2014 16:57
Қазақстанда азаматтардың денсаулығына зиян келтіргені үшін дәрігерлердің кәсіби жауапкершілігі сақтандырылады. Бұл туралы Денсаулық сақтауды дамытудың республикалық орталығы бас директорының орынбасары Нағима Исатаева мәлімдеді.
«Бүгін бізде онлай-режимдегі форум өз жұмысын бастады, ол азаматтардың денсаулығына зиян келтіргені үшін дәрігерлердің кәсіби жауапкершілігін сақтандыруға байланысты өтуде. Барлық дайындалған шаралар 2016 жылға дейін аяқталуы тиіс. Бүгіннен бастап біз барлық қазақстандыққа аталмыш заң жобасын талқылауға шақырамыз», - деді Н. Исатаева.
Айта кетерлігі, 2012 жылы Мемлекет басшысы «Қазақстандағы әлеуметтік жаңғырту: Жалпыға бірдей еңбек қоғамы» мақаласында елдің жаңа даму бағытын анықтады. Бағыт бойынша қажетті барлық жұмыстар жүргізілуде.
