• Басты
  • Президент білім министріне әкімдермен бірлесіп түлектерді есептеуді тапсырды

Президент білім министріне әкімдермен бірлесіп түлектерді есептеуді тапсырды

6 Тамыз, 2014 14:58
Ағымдағы жылы білім министрі әкімдермен бірлесіп оқу орындарының түлектерін есептеп шығуы керек. Мұндай тапсырманы мемлекет басшысы Н.Назарбаев Үкіметтің кеңейтілген отырысында берді.

«Білім министрі саған әкімдермен бірлесіп ағымдағы жылы және келер жылы тәмәмдайтын оқу орындары түлектерін есептеуді тапсырамын, қаңтар айында олардың қаншасы қай жаққа баратыны туралы маған есеп беруіңізді тапсырамын», - деді Елбасы.

Өз кезегінде, Мемлекет басшысы, диплом алып отырған түлектің жоғары білімін растайтын құжаты емес, кәсіби біліктілігі маңызды деп атап өтті.

«Мемлекет қыруар қаржы бөлуде, балалар үшін білім гарнттары берілуде, жалпы жағдай жаман емес, менің атап өткім келетіні түлектердің 80% жұмысқа орналасады, алайда ауылдық квота бойынша 40% ғана жұмысқа орналастырылады. Білім сапасының төмендігінен түлектер жұмыс таппай сандалуда, бұл тағы да университеттерге байланысты. Уақыт келгенде біз түлектерге диплом беріп қана қоймай, оның кәсіби дайындығын да сынайтын боламыз», - деп атап өтті Н. Назарбаев.

Индира Кауметова

Барлық жаңалықтар