Елдің халықаралық қоры 104 млрд АҚШ долларынан асты
6 Тамыз, 2014 13:03
Елдің халықаралық қоры 104 млрд АҚШ долларынан асты. Бұл туралы Үкіметтің кеңейтілген отырысында экономика және бюджеттік жоспарлау министрі Ерболат Досаев мәлімдеді.
«Елдің халықаралық қоры 2014 жылдың 28 шілдесінде 104 млрд АҚШ долларынан асты, оның ішінде жалпы халықаралық қор 27,7 млрд АҚШ долларын құрады, Ұлттық қордың активтері 76,3 млрд АҚШ долларын құрады», - деді министр.
Осыған орай, Е. Досаев 2014 жылдың 1 тамызында елде инфляция деңгейі 5 пайызды құрағанын айтты.
«Теңге бағамының өзгеруіне орай инфляция 1 тамызда 4,9 пайызды құрады, оның ішінде өндірістік тауар құны 5,4 пайызға көтерілді, өндірістік емес тауарлар 5 пайызды құрады, ақылы қызмет 4,3 пайызды құрады», - деді ол.
Индира Кауметова
