2014 жылдың соңына дейін 17 мың мүгедекті жұмыспен қамту жоспарланған – Әбдіқалықова
6 Тамыз, 2014 12:59
2014 жылдың соңына дейін 17 мың мүгедекті жұмыспен қамту жоспарланған. Бұл туралы Үкіметтің кеңейтілген отырысында Премьер-Министрдің орынбасары Гүлшара Әбдіқалықова мәлімдеді.
«Мүмкіндігі шетеулі жандарға кедергілерді жою мақсатында 430 инфрақұрылымдық нысан бейімделді. Бірінші жарты жылдық барысында 9 мың мүгедек жұмыспен қамтылды. Жыл соңына дейін тағы 17 мыңына жұмыс тауып беру көзделіп отыр», - деді Әбдіқалықова.
Сондай-ақ, зейнетақы жүйесін одан әрі жаңғырту тұжырымдамасы қабылданды.
«2020 жылға дейін зейнетақымен қамтудың көп деңгейлі моделін дайындаудың шаралар жоспары әзірленді», - деді ол.
Мадина Нұрбекова
