Қазақстанда мемлекеттік бюджет шығысының 4 трлн теңгесі игерілді – Сұлтанов
6 Тамыз, 2014 11:47
Қазақстанда мемлекеттік бюджет шығысының 4 трлн теңгесі игерілді. Бұл туралы ҚР Президентінің қатысуымен өтіп жатқан Үкіметтің кеңейтілген отырысында ҚР Премьер-Министрінің орынбасары – Қаржы министрі Бақыт Сұлтанов мәлімдеді.
«Бюджетің барлық деңгейі бойынша кірістер игерілді, мемлекеттік қазына 19 пайызға немесе 602 млрд теңгеге толықты. Бұл өсім ұлттық қордың трансфертінің өсуіне де байланысты. Мемлекеттің бюджет шығысының 4 трлн теңгесі игерілді. 130 млн теңгесі игерілмеді, оның ішінде республикалық бюджет бойынша 77 млрд теңге», - деді министр.
Оның айтуынша, республикалық бюджеттің жетіспеуі 285 млрд теңгеге тең болды ол ішкі әрекеттердің есебінен қаржыланды.
«Мемлекеттік қарыз мемлекеттік деңгейде орналасқан, сыртқы көздерді тартудың тиімді жақтары қарастырылуда», - деді ол.
Мадина Нұрбекова
