Әлемдік экономикадағы жағдай біздің назар аударғанымызды қажет етуде – Н. Назарбаев

6 Тамыз, 2014 11:24

Бүгін Ақордада ҚР Президенті Нұрсұлтан Назарбаевтың қатысуымен Үкіметтің кеңейтілген отырысы өтуде.Үкіметтің кеңейтілген отырысында елдің әлеуметтік-экономикалық дамуына қатысты өзекті мәселелер талқыланбақ.

«Біз жыл басынан бері жасалған жұмыстың қорытындысын талқылау үшін бас қостық, қалған жарты жылда экономиканың жоғары деңгейі мен көрсеткіштерді төмендетпеу үшін жоспарлы жұмыстарды айқынау қажет», - деді Президент.

Елбасының айтуынша, «Қазақстан-2050» Стратегиясы аясында 30 елдің қатарына кіру мақсатында мемлекет барлық мемлекеттік бағдарламаларды қабылдады.

«Премьер-Министр менің тапсырмам бойынша барлық өңірлерді аралап өтіп, жергілікті проблемаларды анықтады. Жалпы, Үкімет менің тапсырмам бойынша стратегиялық құжаттарды орындауда. Экономикада болып жатқан өңірлік және жаһандық жағдай біздің назарымызды қажет етеді», - деді Елбасы.

Айта кетейік, Мемлекет басшысы Премьер-Министр К.Мәсімов, Президент Әкімшілігінің Басшысы Н.Нығматулин және Президенттің көмекшісі Е.Орынбаевтың қатысуымен елдің әлеуметтік-экономикалық дамуының өзекті мәселелері жөнінде кеңес өткізуде.

Мадина Нұрбекова

Барлық жаңалықтар