• Басты
  • Ертең Қапшағайда «Жастар Отанға!» лагері ашылады
6 Тамыз, 2014 18:21

Ертең Қапшағайда «Жастар Отанға!» лагері ашылады

2014 жылдың 7 және 13 тамызы аралығында Алматы облысы Қапшағай қаласының «Алтын Емел» отбасылық пансионатында 300-ден астам жастардың қатысуымен «Жастар-Отанға!» жастар саяси лагері өткізіледі, деп білім және ғылым министрлігінде хабарлады.
Ертең Қапшағайда «Жастар Отанға!»  лагері ашылады

Лагерьге  жастар ұйымдарының және студенттердің өзін-өзі басқару өкілдері, өнерпаз жастар, спортшылар, блогерлер және Жастар қанатының белсенді мүшелері қатысады. Аталған іс - шара Қазақстан Республикасы Білім және ғылым министрлігі Жастар ісі комитетінің қолдауымен өтеді.

Жастар саяси лагері бұл  Қазақстанның барлық аймағынан білім алуға, тәжірибе алмасу үшін және белгілі мамандардан саясат, журналистика, әлеуметтік басқару және өзін-өзі дамыту саласында жаңа технологияларды үйренуге жиналған креативті жастардың бас қосатын ортасы болып табылады.

Лагерь жұмысының  қорытындысы бойынша «Жастар – Отанға!» жастар саяси лагерінің қатысушылары сертификаттарымен және  лагерь бағдарламасында қарастырылған әр түрлі конкурстарға қатысқандары үшін құнды сыйлықтармен марапатталады.

Барлық жаңалықтар