ҚР Парламенті Сенатының депутаттығына 72 кандидат ұсынылды - ОСК
5 Тамыз, 2014 17:16
Ортсайлаукомның мәліметтеріне сай 4 тамыздың кешіндегі жағдай бойынша Қазақстан Республикасы Парламенті Сенатының депутаттығына 72 кандидат ұсынылды, деп Орталық сайлау комиссиясының баспасөз қызметі хабарлады.
Олардың барлығы өзін-өзі ұсыну құқығын пайдаланды. Ұсынылғандардың ішінде 4-і әйел.
Ортсайлауком бекіткен Күнтізбелік жоспарға сәйкес ұсыну 31 тамызға дейін созылады.
Кандидаттарды тіркеуді облыстық, Астана және Алматы қалалық сайлау комиссиялары 11 қыркүйекке дейін жүзеге асырады.
Айта кетейік, бүгін Орталық сайлау комиссиясының отырысында Қазақстан Республикасы Парламенті Сенатының депутаттығына кандидаттардың республикалық бюджет қаражатынан өтелетін шығыстарының нормативтері белгіленді.
