Дене шынықтыру дайындығы бойынша Президенттік тестке 3 млн қазақстандық қатысты
5 Тамыз, 2014 16:03
2014 жылдың 25 сәуірі мен 25 мамыр аралығында Дене шынықтыру дайындығы бойынша Президенттік тестке 3 млн адам қатысты. Бұл туралы ОКҚ брифингінде спорт және дене шынықтыру агенттігінің төрағасы Тастанбек Есентаев мәлімдеді.
«Президенттік тестті өткізуге ерекше көңіл бөлінеді. 2014 жылдың 25 сәуірі мен 25 мамыр аралығында Дене шынықтыру дайындығы бойынша Президенттік тестке 3 млн адам қатысты», - деді ол.
Сондай-ақ, агенттік төрағасы Президенттік тесті дамыту үшін Ломоносов атындағы ММУ меморандум түзілді.
«Осы орайда ММУ-мен меморандум орнаттық. Жұмыс тобы ғалымдар мен депутаттардан тұрады», - деді ведомство басшысы.
Айта кетерлігі, Президенттік тестілер – бақылау нормативтері арқылы халықтың дене шынықтыру дайындығының жалпы деңгейін айқындайтын жаттығулардың (сынақтардың) жиынтығы. Президенттік тестілер Қазақстан Республикасы халқының дене шынықтыру дайындығына қойылатын нормативтік талаптардың негізі болып табылады.
Индира Кауметова
