Ақтөбе облысында индустриалды аймақ жасақталуда
5 Тамыз, 2014 18:47
Ақтөбе облысының Алға қаласында ескі химия зауытының аумағында индустриалды аймақ құрылуда. Дәл қазір мұнда төрт кәсіпорын өз өнімін өндіруде, деп хабарлады облыс әкімдігінен.
Мұнда жоғары сапалы пенополистиролобетон блоктарын өндіретін өндіріс ошағы өз жұмысын бастады. Бұл бетон блоктары жеңіл бетондар қатарынан, алайда оның өзіне тән бірқатар ерекшеліктері бар. Ол құрастырылатын және жылуды оқшаулайтын құрылыс материалы. Сонымен қатар, «Қазпроминвест» ЖШС-да облыстағы индустриалды аймақтың дамуына үлес қосып келеді. Ол ортасы бос кірпіштер мен 5 түрлі жол плиталарын өндіреді. Кәсіпорын болашақта өнім түрін көбейтпекші.
Әкімдіктен хабарлағандай, «Нитрохим» ЖШС үлкен үміт артуда, ол 50 түрлі өндірістік жарылатын затты өндіреді.
Қыркүйек айында аталмыш өндіріс кешенінің әктас цехы іске қосылады.
