Астана - Мәскеу пойызының екінші құрамы жаңартылды - ҚТЖ
5 Тамыз, 2014 13:36
«Жолаушылар тасымалы» АҚ жолаушылар тасымалдайтын жылжымалы құрамның тозу деңгейін азайту және пойыздардағы қызмет сапасын арттыру мақсатында жолаушылар вагондары паркін жаңарту Бағдарламасын жүзеге асыруды жалғастыруда, деп хабарлайды ҚТЖ.
Сонымен, ағымдағы жылдың шілде айында «Тверь вагон жасау зауыты» ААҚ құрастырған 52 жаңа жолаушылар вагоны сатып алынды. Ол жолаушы үшін жайлы болсын деген мақсатта барлық заманауи қажеттіліктермен жабдықталған.
Бүгін Астана - Мәскеу пойызының екінші құрамы жаңартылды, ал 7 тамызда аталмыш пойыздың барлық құрамын толығымен жаңарту аяқталады.
Естеріңізге сала кетейік, үстіміздегі жылдың 15 шілдесінде Астана - Мәскеу пойызының бірінші құрамы жаңартылса, 16 шілдеде Маңғышлақ- Бейнеу пойызының вагондары жаңасына алмастырылды.
