Ақмола облысы халқының 60%-ы жыл соңына дейін мемлекеттік тілді меңгеретін болады - әкімдік
5 Тамыз, 2014 09:46
Ақмола облысында соңғы үш жылда мектепке дейінгі мекемелердің қазақ тілді тобында тәрбиеленіп жатқан бүлдіршіндердің саны 49% -дан 58%-ға дейін артты, деп облыс әкімдігінен хабарлады.
Аймақта 514 мектепке дейінгі мекеме жұмыс істесе, оның - 163 балабақша, 351 шағын орталықтыр. Тәрбиеленіп жатқан бүлдіршіндердің жалпы саны - 29655, олардың 17110 қазақ тобында (58%).
Бүгінде өңірде 622 орта мектеп жұмыс істесе, онда барлығы - 103463 оқушы білім алуда, ал олардың 46216 қазақ тілді сыныпта оқиды (45%).
Оның үстіне, облыста 19 тіл үйрету орталықтары бар, олардың 16 аудандық, 2 қалалық және 1 облыстық орталықтар.
«Әлеуметтік зерттеудің нәтижесіне сәйкес, аймақтағы мемлекеттік тілді білетін ересек азаматтардың үлесі 2013 жылы - 53,1% құрады. Бұл көрсеткіш 2014 жылдың соңына дейін 60%-ға жетуі керек», - деп атап өтті әкімдікте.
