Халықаралық ISO стандарты бизнеске тиімдірек болуға септігін тигізеді - ISO-ның бас хатшысы

«ISO - бір ел бір комитет-мүшені білдіретін 163 елдің стандарттау бойынша ұлттық ұйымдар желісі. Халықарылқ ISO стандарты бизнске тиімдірек болуға септігін тигізеді», - деді өз сөзінде  Халықаралық стандарттау ұйымының бас хатшысы Роб Стил.

«Қазіргі таңда Қазақстан  ISO (P-Member) 16 техникалық комитетінің толық қанды мүшесі болып табылады. Қазақстан 2011 жылы ISO  68 «Банк ісі және тиісті қаржылық операциялар» ТК, ISO 181 «Ойыншықтар қауіпсіздігі», ISO  215 «Денсаулық сақтау саласындағы  ақпараттық технологиялар» ТК байқаушы мүшесі ретінде болды. 2012 жылдың бастап Қазақстан  ISO /ТК 67/ ПК 8 «Арктикалық операциялар» толық мүшесі,  ал  ISO  266 «Биомиметика» ТК байқаушы мүшесі болып табылады», - делінген хабарламада.  

Кездесуге қатысушылар Халықаралық стандарттау ұйымы мен Халықаралық  темір жол одағы арасындағы, Халықаралық стандарттау ұйымының техникалық комитеттері мен халықаралық ұйымға мүше мемлекеттер және қоғамдық кәсіби қауымдастықтар мен одақтар арасындағы өзара әрекеттестік мәселелерін талқылады. Сондай-ақ,  Халықаралық стандарттау ұйымының  қоршаған ортаны жақсартуға, өндірістердің экологиялық аспектілерін басқару арқылы экологиялық таза өнімдер жасауға бағытталған  перспективалық жоспарлары қаралды.

Мадина Нұрбекова