• Басты
  • СҚО-да тiрек ауылдар жағдайы талқыланды
4 Тамыз, 2014 17:41

СҚО-да тiрек ауылдар жағдайы талқыланды

СҚО-да аппараттық кеңесте ауылшаруашылығы басқармасының басшысы Серiкбай Тұралинов тiрек ауылдарды дамыту мәселесi бойынша баяндады, деп облыс әкімдігінде хабарлады.
СҚО-да тiрек ауылдар жағдайы талқыланды

Облыстағы 685 ауылдық елдi-мекеннiң 36-сы тұрақты ауылдар қатарына жатқызылған.

Бұл елдi-мекендер ауылдағы экономикалық өсу орталықтарына айналуы тиiс. Аудандық ауыл шаруашылығы және ветеринария бөлiмдерiнiң мәлiметтерi бойына бұл елдi-мекендердегi халықтың экономикалық белсендi тобы 2,4 пайызға азайған.

Облыстық мәслихаттың сессиясында әрбiр тiрек ауылды дамытудың кешендi жоспары бекiтiлген. Оған 5 бөлiм бойынша 806 шара енгiзiлген. Осы жоспарды жүзеге асырудың арқасында 2143 жаңа жұмыс орны ашылып, қосымша 4 млрд. теңгенiң инвестициясы тартылып, 4 елдi-мекендi таза ауыз сумен қамтамасыз ету, 23 тiрек ауылға жол тарту жүргiзiлмек.

Күн тәртiбiндегi екiншi мәселе, бюджеттiң орындалуы туралы облыстық қаржы басқармасының орынбасары Қазиза Мұхамадиева баяндады.

Облыстың бюджетi шығыс бөлiгi бойынша 94,6 пайызға орындалған. Аудандар арасындағы қаржының игерiлуi 95,3 пайыз шамасында. Облыстық бюджеттiң орындалуы 97,1 пайызды құраған.

Барлық жаңалықтар