• Басты
  • Абай қаласында ерекше күтімді қажет ететін балаларға инклюзивті білім беру үшін жағдай жасалған - әкімдік

Абай қаласында ерекше күтімді қажет ететін балаларға инклюзивті білім беру үшін жағдай жасалған - әкімдік

4 Тамыз, 2014 15:18
Қарағанды облысының Абай қаласында ерекше күтімді қажет ететін балаларға инклюзивті білім беру үшін барынша жағдай жасалған. Даму барысында мүмкіндігі шектеулі 3 және 7 жас аралағындағы 185 бала арнайы мамандандырылған «Бөбек» балабақшасында тәрбиеленуде, деп әкімдіктен хабарлады.

Балабақшада  9 топ бар, олардың 3 көру қабілеті нашар балаларға, 3 сөйлеуде кемістігі бар балаларға және 3 психикалық дамуы тоқтап қалған балаларға арналған.

Сонымен қатар,  №1 қалалық орта мектептің арнайы сыныбында 50 бала білім алуда. Қарапайым мектепте оқу арқылы олар өздерінің сап-сау құрдастарымен бірдей мектеп ішілік шараларға қатысуға, ортаға бейімделу мүмкіндігіне ие болады. 

2014 жылы дәл осы мектептің жанынан облыстық инклюзивті білім беру бойынша машықтандыру  алаңы ашылды.

Сөйлеу барысында кемістігі бар 103 баламен  мектептер мен балабақшаларда ашылған 8 логопедтік  пунктер жұмыс істейді.

Барлық жаңалықтар