Астанада спорт кешенінің оқу-жаттығу мұнарасы ашылды
4 Тамыз, 2014 12:08
Астана қаласы ТЖД-да Алматы қаласында өтетін өрт сөндіру-құтқару спортынан Х Дүниежүзілік Чемпионатқа дайындық толығымен жүргізіліп жатыр. Оқу-жаттықтыру мұнарасы құтқарушылардың қиын кез-келген биіктікте тиімді жұмыс істеуге қабілеттерін арттырады.
Сондай-ақ бұл біздің спортшылардың Алматы қаласында өтетін Өрт-құтқару спорты бойынша Х Дүниежүзілік Чемпионатқа сапалы дайындалу үшін үлкен мүмкіндік.
«Оқу-жаттықтыру мұнарасының ашылу салтанатынан соң спортшылар: 4- қабат терезесіне шабуыл баспалдағымен көтерілу, эстафета (4*100), 100-метрге кедергімен жүгіру, жауынгерлік қанат жаю түрлерінен өз күштерін сынасуға кірісіп кетті»,- деп ТЖМ-де хабарлады.
Жарыс кезінде командалар топтасып, әрбіреуі ең үздік нәтижелер көрсетуге тырысып жатты. Қорытындылай келе I жалпы командалық орынды №16 Мамандандырылғын өрт сөндіру бөлімі, II орынды №9 өрт сөндіру бөлімі, III орынды №6 өрт сөндіру бөлімдері жеңіп алды.
