«Невада-Семей» қозғалысының 25-жылдығына 6 елдің делегаты қатысады

4 Тамыз, 2014 09:32

Осы ретте ШҚО әкімінің орынбасары Жақсылық Омардың төрағалығымен іс – шараларға басымдық берілетін Семей және Курчатов қалаларының дайындықтарын пысықтау мақсатында Семей қаласы әкімдігінде жиын өтті, деп ШҚО ақпараттық орталығы хабарлады.

Алдымен Жақсылық Мұқашұлы мен Семей қаласының әкімі Айбек Кәрімов Семей қаласында іс – шаралар өтетін негізгі орындарды аралап шықты. Әкімдікте өткен жиында ШҚО Ішкі саясат басқармасының басшысы Ербол Нұрғалиев АҚШ, Жапония, Қытай, Италия, Израиль, Ресей сынды мемлекеттерден мәртебелі меймандар келеді деп күтіліп отырғанын атап өтті.

Жақсылық Мұқашұлы «Семей - Невада» қозғалысының 25 жылдығын кеңінен насихаттау жағын да жандандыру керектігін атап өтті.1989 жылы қоғам қайраткері, ақын Олжас Сүлейменовтың жетекшілігімен «Семей-Невада» қозғалысы құрылып, халықтың қолдауына ие болып, Елбасы Н. Назарбаевтың Жарлығымен Семей сынақ полигоны жабылды.

Сонымен қатар Семей қаласындағы Түйемойнақ аралында бес мың адамның қатысуымен қозғалыстың 25 жылдығына арналған жиын, Абай атындағы театрда халықарылық конференция өтеді деп болжануда.

Барлық жаңалықтар