Ақмола облысында «ЖҚЖК-2020» бағдарламасын жүзеге асыруға 4,5 млн теңге бөлінді

4 Тамыз, 2014 09:01

Ақмола облысында «Жұмыспен қамтудың жол картасы-2020» бағдарламасын жүзеге асыруға 4 540,9 млн теңге бөлінді. Қазіргі таңда 905,7 млн теңге игерілді, деп «Ақмола Медиа Орталығы» хабарлады.

Бағдарлама аясында 1832 адамға әлеуметтік келісім шарт орнатылды. Әлеуметтік келісім шартқа отырғандардың 66,4 пайызы жұмыссызадар болса, 26,5 пайызы өздері қамтылған адамдар.

Бағдарламаны жүзеге асыру облыста 3 бағыт бойынша жүзеге асуда.

Бірінші бағыт – «ТКШ және инфрақұрылымды дамыту арқылы жұмыспен қамтуға» республикалық бюджеттен 2433,0 млн теңге бөлінді,ол 74 жобаға бағытталған. Жарты жылдың қорытындысы бойынша 243,4 млн теңге игерілді. Аймақта құрылыс және жөндеу бойынша 22 жобаның жұмысы басталды.

Екінші бағыт бойынша «Тірек ауылдар мен кәсіпкерлікті дамыту» бойынша 1136,3 млн теңге бөлінді. Оның 247,7 млн игерілді. Ең ауқымды қамтылған аудандар: Бурабай (9), Атбасар (6), Ерейментау (5), Сандықтау (5).

Жалпы облыста шағын несиелендірумен 58 ауылдық округ қамтылған. Оның 86 пайызы немесе 92 адам өз жұмысын ашуға бағытталған, 14 пайыз немесе 15 адам бизнестің кеңеюіне үлес қоспақ.

Барлық жаңалықтар