• Басты
  • Ақтауда жыл басынан бері 250-ге жуық азамат жұмысқа орналастырылды

Ақтауда жыл басынан бері 250-ге жуық азамат жұмысқа орналастырылды

3 Тамыз, 2014 15:04
Ақтау қаласында жыл басынан бері 244 азамат немесе өтініш бергендердің 23% жұмысқа орналастырылды.

Ақтау қаласы әкімдігінен хабарлағандай, жергілікті тұрғындарды жұмыспен қамту мақсатында «Жұмыспен қамту– 2020» бағдарламасы аясында кешенді шаралар жүзеге асырылды. Яғни еңбек ресурстарының қуатын арттыру, даярлаудың тиімді тәсілдері мен ауылда кәсіпкерлікті дамыту.

«Жылдың басынан бері жұмыспен қамтуды қажет еткен 1060 адам жүгінді, бұл өткен жылмен салыстырғанда 5% жоғары. Жыл басынан бері 244 адам жұмысқа орналасты немесе өтініш білдірген адамдардың 23%», - деп әкімдіктен хабарлады.

Сонымен, қала бойынша 3259 жаңа жұмыс орындары ашылды, олардың ішінде 1238 сауда, 225 өндіріс және 1670 басқа саладан. Өткен жылмен салыстырғанда жұмыс орындары 14,7% азайды.

«Тұрғындардың жұмыс орындарынан бас тартуының негізгі себептері жалақының төмендігі мен жұмыс берушілердің жұмыссыздардың біліктілі мен еңбек өтіліне қоятын жоғары талаптары болып отыр. Сондықтан жұмыссыздарға қоғамдық жұмыстар сияқты уақытша жұмыстар ұсынылады. Мәселен, 2014 жылдың 1-ші жартыжылдығында қоғамдық жұмыстарға 314 жұмыссыз жолданды, осы бағытта жергілікті бюджеттің шығындары 32 млн. теңгені құрады», - делінген хабарламада.

Барлық жаңалықтар