Шымкенттің аулаларын абаттандыру үшін 340 млн теңге бөлінді
3 Тамыз, 2014 11:03
Шымкентте 52 ауланы абаттандыру және 24 балаларға арналған ойын алаңының құрылысы үшін 340 млн теңге жуық қаражат бөлінді, деп Оңтүстік Қазақстан облысы әкімдігінен хабарлады.
«Шымкентте 52 ауланы абаттандыру және 24 балаларға арналған ойын алаңының құрылысы үшін 339 млн теңге бөлінді», – делінген хабарламада.
Облыс әкімінің орынбасары Бақыт Мелдебековтың айтуынша, барлық жұмыстар тамыз айында аяқталады.
Бұдан басқа, облыс орталығының барлық парктері мен саяжайларында 6 жаттығу алаңдарын жасақтау көзделуде. Ал, «Отырар», «Нұрсат» шағын аудандарында – қоқысқа арналған 26 контейнер алаңы орнатылады.
