Қызылорданың ШОБ ұсынысы инвестициялық жоба мәселелерінің реестріне енгізіледі
1 Тамыз, 2014 10:35
Қызылорда облыстық кәсіпкерлер палатасы қызметкерлерінен тұратын жұмыс тобы өңір кәсіпкерліктерін аралап, күн тәртібіндегі мәселелерді шешу мен инвестжобаларды іске асыру жолдарын қарастырды.
Кәсіпкерлер палатасының өкілдері жергілікті кәсіпкерлердің бұйымтайларын тыңдап, оларға палатаның инвестициялық өтініштерін дайындау мен қаржыландыру тетіктерін анықтаудан бастап әріптес табу мен тауарды сатуға дейінгі инвестициялық жобаның әр кезеңін іске асыру бойынша кеңес беру қызметі туралы түсіндірді.
Өткізілген кездесу қорытындысы бойынша, мынадай шешім қабылданды: Кәсіпкерлер палатасы тарапынан айтылған күн тәртібіндегі мәселелер мен ұсыныстардан құрылған инвестициялық жобалар реестрін енгізу. Алдағы уақытта енді оларды шешу жұмыстары қолға алынбақ, деп хабарлайды РКП.
