Кәсіпкерлікті қорғау бойынша өзара ынтымақтастық туралы үшжақты меморандум қабылданды
31 Шілде, 2014 18:42
Ақмола көлік прокуратурасы, Кәсіпкерлердің Астана қаласы бойынша аймақтық палатасы және Бас прокуратураның Құқықтық статистика және есепке алу Комитетінің Аймақтық көліктік басқармасы өзара ынтымақтастық туралы үшжақты Меморандум қабылдады, деп Бас прокуратурада хабарлады.
Қабылданған Меморандумның мақсаты көлік инфрақұрылымы аясындағы кәсіпкерлікті одан әрі қарай дамытуды сындарлылық, ашықтық және тиімділік қағидалары негізінде құрылған, бірлескен және келісілген іс-қимылды жүзеге асыру болып табылады.
Меморандум шеңберінде тараптар кәсіпкерлердің құқықтары мен заңды мүдделерін қамтамсыз ету және қорғау, кәсіпкерлікті дамытуга кедергі келтіретін жүйелі тосқауылдарды анықтау, бақылау-қадағалаушы органдардың кәсіпкерлер қызметіне заңсыз тексерулер жүргізуін жою және болдырмау шараларын жүзеге асыру мәселелері бойынша ынтымақтастықты дамытатын болады.
«Қабылданған Меморандум прокуратура мен бизнес-қауымдастықтардың жолға қойылған оңтайлы әрекеттесуінің жалғасы болып табылады», - делінген хабарламада.
