ҚР Ұлттық музейінің тұңғыш ғылыми-зерттеу экспедициясы СҚО-дағы Ботай тұрағын зерттейді

31 Шілде, 2014 17:45

Ертең, 1 тамыз күні Қазақстан Республикасының Ұлттық музейінің ғылыми жұмыстар бойынша директорының орынбасары Олжас Шарияздановтың жетекшілігіндегі музей қызметкерлері энеолит дәуірінің Ботай тұрағы ескерткішін зерттеу мақсатында Солтүстік Қазақстан облысына археологиялық экспедициямен шығады.

ҚР Ұлттық музейінің баспасөз қызметінің хабарлауынша, аталмыш экспедиция алғаш рет дала жұмыстарына араласып, Ұлттық музейдің алғашқы өз бетімен қолға алған ғылыми-зерттеу қызметі ретінде жұмыс істемек.

Экспедицияның мақсаты Қазақстанның тарихи және мәдени ескерткіштерін зерттеп қана қоймай, сонымен қатар Қазақстанның алғашқы қауымдық және ортағасырлық археологиясының түрлі бағыттары бойынша ғылыми тақырыптарды кеңейту мен ғылыми қызметкерлердің әлеуеттерін арттыру болып табылады. Соның ішінде атқарылатын жұмыстардың бірегейі ретінде Қазақстан Республикасы Ұлттық музейінің қорын Ботай тұрағының жәдігерлерімен толықтыру және камералық, зертханалық жұмыстармен қамтасыз ету.

Музей қызметкерлеріне Ботай мәдениетінің энеолиттік жәдігерлері бойынша археология профессоры, тарих ғылымдарының докторы Виктор Зайберт шеберлік сыныбын өткізеді.

Естеріңізге сала кетейік, Ботай археологиялық ескерткіші 1980 жылы ашылған. Ол Солтүстік Қазақстан облысының оңтүстігіндегі Атырау ауданындағы 15 гектар жерде орналасқан.

Барлық жаңалықтар