Алматы облысында мүмкіндігі шектеулі жандарға арналған қолөнер көрмесі өтті
31 Шілде, 2014 18:57
Талдықорған қаласында «Нұр Отан» партиясы Алматы облыстық филиалының ұйымдастыруымен «Кедергісіз келешек» жобасының аясында «Жетісу мейірімі» атты мүмкіндігі шектеулі жандардың қолөнері бұйымдарының көрмесі өтті, деп облыс әкімдігінде хабарлады.
Көрмеге мүкіндігі шектеулі жандардың қолынан шыққан кескіндеме мен графика, киімдер мен сәндік әшекей бұйымдары, жиһаздар мен фотосуреттері, кондитерлік өнімдері сынды 300-ге жуық туынды қойылады.
Бұл олардың өнімдерін сатуға, тұрғындар арасында жарнама жасауға және табыс табуына мүмкіндік туғызады.
