Қазақстанда 2017 жылға қарай жаңа курортты қала пайда болады
31 Шілде, 2014 19:46
2017 жылға қарай Ақкөл курортты қала статусына ие болады. Қонақтар мен туристерді мұнда ағылшындық және гермениялық архитекторлар жобалаған жаңартылған инфрақұрылымдар, желекжолдар мен жағалаулар күтеді, деп хабарлады «Ақмола Медиа Орталығы».
Қазіргі таңда Ақкөлде стадионның, спорттық алаңдар мен өзге де әлеуметтік нысандардың күрделі жөндеу жұмыстары аяқталды. 2015 жылдан бастап қаланың 8 этно-мәдени бірлестігі үшін «Достық үйін» тұрғызу және амфитеатрдың құрылысын бастау жоспарланған.
Естеріңізге сала кетейік, Ақкөлде заманауи халықаралық курорт салу идеясын «Тұрақты даму» жер қорының президенті Алан Бесен ұсынған болатын. Туристік индустрияның жаңа серпінмен дамуына негіз болған «Өркендеу» жобасы Ақкөлдің бай табиғи ресурсын пайдалану, климаттық жағдайы мен транзиттік-тасымалдауда қолайлы орналасуы сынды бірнеше компаненттерін біріктіре білді.
