Ақмола облысында «Шағын ЭКСПО-2014» инновациялық идеялар мен жобалар көрмесі өтеді

31 Шілде, 2014 12:38

«Education Invest» білім беру қоры облыс әкімдігі және «Нұр Отан» партиясы бөлімшесінің қолдауымен «Шағын ЭКСПО-2014» өңірлік байқауын өткізетінін жариялайды, деп хабарлайды «Нұр Отан» партиясының сайты.

Ұйымдастырушылардың айтуынша, көрме алаңында энергетика, ауыл шаруашылығы, су ресурстары, өңірдегі «жасыл экономиканы» дамытуда айтарлықтай мәнге ие қалдықтарды өңдеу мен пайдалану секторларын дамыту бойынша өңір оқымыстыларының инновациялық идеялары мен жобаларын насихаттау мен таныстыру жоспарлануда.

«Аталмыш байқау мен көрме бизнестің, азаматтық қоғам мен жергілікті атқарушы органдардың «жасыл эконмомикаға» қадам басуға мүмкіндік береді», - дейді «Education Invest» қорының төрайымы Мариям Әбішева.

Айтпақшы, өткен жылдың соңында қор «Ғылым және бизнес» көрмесін қолға алған. Соның аясында 50 өтініш қаралды. Биылғы жылдың мамыр айында қор әріптестерімен бірге жастар арасында ЭКСПО-2017 халықаралық көрмесіне арналған «Akmola power» байқауын ұйымдакстырды, оған 240 өтініш түсіп, соның еңүздік 43-і іріктеліп алынды.

Барлық жаңалықтар