«Самұрық-Қазына» 2014 жылы 64 активті жеке секторға шығаруды жоспарлауда
Мемлекет басшысының тапсырмасы бойынша Қазақстан Үкіметі 2014-2016 жылдардағы Жекешелендірудің кешенді бағдарламасын жасағаны белгілі.
«2014 пен 2020 жылдар аралығында Қордың 106 активі мен нысаны сатылады, оның 64-ін 2014 жылдың соңына дейін жеке секторға шығару жоспарланып отыр», - делінген хабарламада.
Комиссия мүшелері Жекешелендіру бағдарламасы аясында сатылатын активтер бойынша ұйымдастыру мәселелерін және активтерді тәуелсіз бағалаушыларды таңдау әдістерін талқылады.
Отырыс нәтижесінде Комиссия 2014 жылғы тамыздағы активтер мен нысандарды сатудың жоспар-кестесін бекітіп, осы уақыт ішінде «Самұрық-Қазына» АҚ құрылымдарынан жеке секторға шығарылатын 15 компанияны белгіледі.
Активтер мен нысандарды сату жөніндегі комиссия – Қор жанынан құрылған, тұрақты жұмыс істейтін орган. Комиссия компанияларға тиесілі активтер мен нысандардысату туралы шешімдер қабылдайды және осы үрдісті үйлестіріп, бақылап отырады.
Мемлекет басшысының тапсырмасы бойынша Қазақстан Үкіметі 2014-2016 жылдардағы Жекешелендірудің кешенді бағдарламасын жасағаны белгілі. Бағдарлама мемлекеттің ел экономикасындағы қатысын азайтып, жеке сектордың үлесін арттыру арқылы экономиканы күшейтуді көздейді.
