Семей тұрғыны Голливудтағы Дүниежүзілік өнер чемпионатының жеңімпазы атанды
29 Шілде, 2014 14:51
14 жасар Ванесса Безродная 11-19 шілде аралығында Лос-Анджелесте өткен халықаралық «World championship of performing arts» өнер чемпионатында поп және рок-вокал номинациясында вокал өнері санаты бойынша абсолютті чемпион атанды.
Байқауға 7 жас пен 45 жас аралығындағы үміткерлер қатысты, деп хабарлайды ШҚО ақпараттық орталығы. Ванесса 16 жасқа дейінгі өнерпаздармен бақ сынасты. Оған әлемнің 42 елінің балалары мен жасөспірімдері келген.
Өнерпаз қыз Қазақстанға 4 алтын, күміс және 1 қола медаль алып келді. Сонымен қатар продюсерлерден ең көп ұсыныс түскен қатысушы ретінде танылды.
Бұрындары Ванесса «Жаңа толқынның» ақтық сынына шығып, «Еуровидениенің музыкалық академиясы» жобасына да қатысқан.
