Астанада бизнесті қорғауға бағытталған қадағалаушы органның жаңа жобаларының таныстырылымы өтеді
2010 жылы бекітілген Бас прокуратура мен «Атамекен» ҚҰЭП арасындағы ынтымақтастық туралы меморандум аясында бизнесті қорғауға және тексерістердің шынайылығын қамтамасыз етуге бағытталған қадағалаушы органның жаңа жобаларының таныстырылымы өтеді.
Шараға Бас прокуратура Құқықтық статистика және арнайы есепке алу комитетінің төрағасы, 3 санаттағы мемлекеттік әділет кеңесшісі Сәуле Айтпаева, Бас прокуратура, мемлекеттік органдар мен бизнес қауымдастық өкілдері қатысады.
Отырыс қатысушыларына қадағалаушы органның кезекті жобалары, оның ішінде тексерулер жоспары мен тағайындауларынан олардың нақты қорытындысына дейінгі үдеріс нәтижелерінің толық ашықтығын қамтамасыз ететін «Тексерулерді тіркеу электрондық журналы» ақпараттық жүйелері таныстырылатын болады.
