Семейде көз жанарынан айрылғандар массаж оқу курсынан өтті
28 Шілде, 2014 12:48
Семейде көз жанарынан айрылған 10 кембағал жан БҰҰ ДБ аясында массаж оқу курсынан өтті, деп облыс әкімдігінен хабарлады.
БҰҰ ДБ-ның «Инновациялық тәсілдерді енгізу арқылы аймақтың бәсекеге қабілеттілігін арттыру және әлеуметтік қызмет көрсету (Семей аймағынын мысал ретінде)» жобасы аясында 10 мүгедек жан күндізгі оқу курсынан өтті.
Бүгінде сертификат иелері тек өз жақындарына көмектесіп қана қоймай, өздерінің ісін аша алады.
«Біз қолымызға алтын кілт алдық, енді осы кілт қай есіктікі екенін білсек болғаны. Менің ойымша, біздің әрқайсымыз жаңа мүмкіндікке қол жеткіздік. Осы бірнеше күн ішінде біз жаңа бір кәсіпті меңгердік. Болашақта оның бізге әкелер пайдасы зор болатынына сенімдімін», - деді «Қазақ соқырлар қоғамы» ҚБ төрағасының орынбасары Шәміл Тагиров.
