• Басты
  • Қарағанды облысының балық шаруашылығында 36 көл мен 80 су қоймасы пайдаланылады
28 Шілде, 2014 12:35

Қарағанды облысының балық шаруашылығында 36 көл мен 80 су қоймасы пайдаланылады

Қарағанды облысының әкімі Нұрмұхамбет Әбдібековтың төрағалығымен өткен аппарат жиынында өңірдегі балық шаруашылығының бүгіні мен болашағы сөз болды, деп хабарлайды облыс әкімдігі.

Қарағанды облысының  балық шаруашылығында 36 көл мен 80 су қоймасы пайдаланылады | Strategy2050.kz

Нұра-Сарысу облысаралық балық шаруашылығы бассейні инспекциясының жетекшісі Сағымбай Медеубаевтың айтуынша, өңірде балық шаруашылығын енгізу мақсатында 36 көл мен 80 жасанды су қоймасы пайдаланылуда. Қазіргі таңда оларда 32 балық түрі бар. Алайда соның ішінде төрт түрі ғана кеңінен тараған.

Облыстағы балық шаруашылығын дамытудың негізгі бағыттарының бірі жасанды және табиғи балық ресурсы өндірісінің шарттарын дамыту. Балық шаруашылығы су қоймаларын пайдаланушылар өз қаражаттары есебінен жыл сайын су қоймаларын балықпен қамтамасыз ету шараларын қолға алады. Атап айтар болсақ, олар «Арлан», «Әсел» шаруа қожалықтары мен «Тайтілеуов» ЖК мен өзгелері. Осы шаруа қожалықтарының арқасында облыста балық шаруашылығының барлық мәселелері шешілген.  

«Су қоймасын пайдаланушылар 10 жыл ішінде оны қорғау, балық ресурстарымен байыту, ғылыми зертеу жүргізу мен материалдық-техникалық базамен жарақтандыру міндеттемелерін мойындарына алып отыр. Жыл сайын осынау шараларға 50 млн теңгеден астам қаражат жұмсалады», - деп хабарлайды әкімдік.  

Қазіргі таңда климаттық жағдай, су қоймаларының өзгермелі және болжануы қиын гидрологиялық режимі мен өзге де антропогенді ерекшеліктердің факторлары дәстүрлі балық шаруашылығын қолға алуда белгілі бір деңгейде қиындықтар тудырып отыр. Сол себепті жиында да айтылғандай, облыстың күн тәртібіндегі өзекті мәселелерінің бірі балық шаруашылығының мәдениетті түріне өту болып табылады.   

Дегенмен өңірдің басты қиындықтарының бірі балық жем-шөбін өндіру құрылғыларын сатып алуға шаруашылық үшін жеңілдетілген субсидияның жоқтығы. Сонымен қатар, суды өңдеу мен өзге де құрылғыларының тапшылығы да шаруашылықтың алға ілгерілеуіне қолбайлау болып отыр.  

Облыс әкімі жиында өңірде қазіргі таңда балық шаруашылығының қарқынды дамып келе жатқанын айта келіп, сонымен қатар оның әлеуетінің әлі де болса толықтай игерілмей жатқанын айтты.

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды