МГМ-де сыбайлас жемқорлыққа қарсы іс-қимылдың бағдарлама жобасы талқыланды
26 Шілде, 2014 11:28
ҚР Мұнай және газ министрілінде "Нұр Отан" партиясының сыбайлас жемқорлыққа қарсы іс-қимылдың 2015-2025 жылдарға арналған бағдарлама жобасын талқылау бойынша отырыс өтті, деп хабарлайды ведомства.
Мәжіліске «Нұр Отан» партиясының қоғамдық саясат институтының сарапшысы С. Белгібаев қатысты. Институт маманының айтуынша, Жемқорлыққа қарсы бағдарлама сірескен нормаларға толы құқықтық құжат емес, жемқорлыққа төзбеу мәдениетін қалыптастыруға бағытталған саяси құжат.
Бұл құжат Елбасының тапсырмасы бойынша бес айдан аса әзірленіп, енді жұртшылықтың назарына ұсынылмақ.
Жемқорлыққа қарсы бағдарламаны оңтайлы іске асыру үшін әр бесжылдыққа екі мәрте жол картасын әзірлеу, жыл сайын іс-шаралар жоспарын бекіту көзделіп отыр.
Жиналыс соңында Ұлы Отан соғысының ардагерлеріне көмек көрсету жұмыстарын одан жалғастыра беру керектігі туралы шешім қабылданды.
