• usd +0.72%
    410.7
  • eur +3.07%
    465.28
  • rub +0.05%
    5.8
  • gbp +6.32%
    519.74
  • cny +0.38%
    58.81
  • Басты
  • Қазақстан мен ОПЕК қоры инвестициялық саладағы ынтымақтастықты жандандырмақшы
26 Шілде, 2014 10:32

Қазақстан мен ОПЕК қоры инвестициялық саладағы ынтымақтастықты жандандырмақшы

Қазақстанның Венадағы Халықаралық ұйымдар жанындағы Тұрақты Өкілі Қайрат Сарыбай ОПЕК халықаралық даму қорының (ОФИД) Бас директоры Сүлейман Әль-Хербишпен кездесу өткізді, деп хабарлайды ҚР СІМ.
Қазақстан мен ОПЕК қоры инвестициялық саладағы ынтымақтастықты жандандырмақшы

Кездесу барысында тараптар инвестиция саласында ынтымақтастықтың дамуын, соның ішінде Қазақстанға ұзақ мерзімді және төмен пайыз қаржыландыруды тарту мәселелерін талқылады.

С.Әль-Хербиш ОФИД мемлекеттік сектор жобаларына қарыз беру, коммерциялық секторға несие желісін ашу және қазақстандық кәсіпорындардың экспорттық операцияларына сауда қаржысын беру бойынша Қазақстанмен инвестиция саласында ынтымақтасуға ынталы екенін жеткізді. Сонымен қатар, Қор басшысы Қазақстанға басым болып табылатын басқа да ынтымақтастық бағыттар бойынша жұмыс істеуге дайындығын білдірді.

Тұрақты Өкіл Қайрат Сарыбай Қазақстандағы даму жобалары бойынша ҚР Үкіметінің ОФИД-пен ынтымақтастыққа дайындығы туралы хабарлап, «Жасыл көпір» серіктестік бағдарламасы мен ЭКСПО-2017 бастамаларын іске асыру бойынша әрекеттесуді ұсына отырып, Қазақстанның Азия даму банкі, Дүниежүзілік банк, Еуропалық қайта құру мен даму банкі және көптеген басқа халықаралық даму институттарымен сәтті ынтымақтастық тәжірибесіне назар аударды.

Анықтама: ОФИД - 1976 жылы ОПЕК мүше-мемлекеттері тарапынан құрылған, Венада орналасқан халықаралық каржы даму институты. 2014 жылғы маусым жағдайы бойынша, Қордың берген жалпы көмек мөлшері 10 млрд.доллардан асты, соның ішінде 6,7 млрд.долл. мемлекттік жобалар мен бағдарламаларға арналған қарыздар.

теги:
опек инвестиционная сфера
ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды