• Басты
  • Қауіпсіздік Кеңесінің хатшысы ІІМ-нің Алқа мәжілісіне қатысты
23 Шілде, 2014 15:18

Қауіпсіздік Кеңесінің хатшысы ІІМ-нің Алқа мәжілісіне қатысты

Бүгін Астана қаласында Президент көмекшісі – Қауіпсіздік Кеңесінің Хатшысы Қ.Қожамжаровтың қатысуымен ішкі істер министрі Қ.Қасымовтың төрағалығымен ІІМ кеңейтілген Алқа мәжілісі өтті, деп ведомствода хабарлады.
Қауіпсіздік Кеңесінің хатшысы ІІМ-нің  Алқа мәжілісіне қатысты

Алқа мәжілісінде ішкі істер органдарының Президент Н.Назарбаевтың тапсырмаларын іске асыру, 2014 жылғы бірінші жартыжылдықтағы жедел-қызметтік жұмысының қорытындысы, сонымен қатар ішкі істер органдарындағы кадр жұмысы, тәртіп, заңдылық пен сыбайлас жемқорлыққа қарсы әрекет мәселелері талқыланды.

Қауіпсіздік Кеңесінің Хатшысы ішкі істер органдарының құқықтық тәртіп пен елдегі қоғамдық-саяси тұрақтылықты нығайтудағы үлесіне тоқтала кете, Елбасының ішкі істер органдарының алдына қойған негізгі мақсаттары мен тапсырмаларын атап өтті.

Қ.Қожамжаров қазіргі заманғы геосаяси жағдайының түбегейлі өзгеруіне байланысты туындайтын қауіпке қарсы құқықтық құрылымдық күштерінің төтеп беруі бойынша дайындығына, әсіресе терроризм мен экстремизмнің күшеюі, шиеленістердің шешілуіндегі жаңа технологиялардың пайда болуы, ұйымдасқан қылмыстың белсенділігі мен есірткіге қатысты жағдайдың ушығуына ерекше тоқталып өтті. 

Ең бастысы, жаңа құқықтық жағдайда, яғни жаңадан қабылданған Қылмыстық, Қылмыстық-іс жүргізу, Қылмыстық-атқару мен Әкімшілік құқық бұзушылық кодекстерінің негізінде сапалы түрде жұмысқа дайындық, сонымен қатар қоғамдағы кез-келген құқыққа қайшы келетін әрекеттерге қарсы қоғамда нөлдік төзбеушілік қағидатын іске асыру, қоғамдық тәртіп пен құқық бұзушылық профилактикасының тиімді жүйесін құру.

Министр Мемлекет басшысының тапсырмаларын орындау мақсатында құқықтық тәртіпті, қылмыс және құқық бұзушылықпен күресті қамтамасыз етуде ішкі істер органдары қызметінің деңгейін тиімді жоғарылату әрі сапалы көтеру үшін ішкі істер органдары тарапынан қабылданып жатқан шаралар туралы айтып берді.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды