• Басты
  • ҰОС кезінде қаза тапқан жауынгердің сүйегі Ақмола облысында қайта жерленді (ФОТО)
23 Шілде, 2014 10:19

ҰОС кезінде қаза тапқан жауынгердің сүйегі Ақмола облысында қайта жерленді (ФОТО)

Зеренді ауданының тумасы, 1941-1945 жылдардағы Ұлы Отан соғысы кезінде Ресейдің сонау Смоленск түбінде қаза болған Қабен Құсайыновтың сүйегі туған жеріне жеткізіліп, қайта жерленді, деп «Ақмола Медиа Орталығы» хабарлады.
ҰОС кезінде қаза тапқан жауынгердің сүйегі Ақмола облысында  қайта  жерленді (ФОТО)

Туған жерден жырақта қаза тапқан Қабен Құсайыновтың сүйегінің кіндік қаны тамған жерінің топырағына жерленуіне Зеренді ауданы әкімдігіне жақында Ресейдің Смоленск облысындағы Жастарды патриоттық тәрбиелеу және әскери даярлау орталығының басшысы Нины Куликовскаядан келген хат арқау болған екен.

Аудан әкімі Малғаждар Тәткеевтің атына келген хатта Нина Куликовская «Надежда» іздеу тобының жақында ғана Қабен Құсайыновтың денесін із-түзсіз жоғалғандар арасынан солдат медальоны арқылы анықтағанын және марқұмның тағы бір туысқаны Ескен Әбілхасеновтың да Смоленск облысының Демидов ауданында жерленгені айтылған.

Осыған орай «Нұр Отан» партиясының Зеренді аудандық филиалы мен «Ардагерлер ұйымы» қоғамдық бірлестігінің бастамасымен қаза болған солдаттың туған-туыстарына Смоленскіге баруға материалдық көмек беру үшін қаражат жиналды. Аудан әкімінің орынбасары мен марқұмдардың бауыры Теміржан Құсайынов аталмыш қалаға аттанып, қос ағайындының бірінің басына ескерткіш тас орнатса, енді бірінің сүйегін елге алып келді.

Бүгін Қабен Құсайыновтың сүйегі туған жері Бөгембай би ауылына жерленді. Ал оның бауыры Ескен Әбілхасеновтың басына ескерткіш орнатылатын болды.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды