ШҚО-да халықаралық жастар лагері ашылды
22 Шілде, 2014 19:24
Шығыс Қазақстан облысында Алакөл өзенінің бойында «Алакөл алаулары» атты халықаралық жастар лагері ашылды, деп ШҚО-ның ақпараттық орталығынан хабарлады.
Осы шараның қолдауымен Алтай өңірі студенттерінің «Біздің ортақ үй – Алтай» ХІ халықаралық жазғы мектебі мен республикалық студенттер лагері «Жас Star» өткізілуде.
Шараға Ресей, Қытай, Моңғолия мен Қазақстанның аймақтарынан келген студенттер қатысуда.
Жастар саясаты бойынша басқармасынан хабарлағандай, қатысушылар үшін бағдарлама бойынша семинар–тренингтер, DJ RING, Фаэр-шоу, Камеди-клаб сынды мәдени тынығу шаралары мен облыс әкімінің кубогына КТК фестивалін өткізу жоспарланған.
