«Astana Ballet» Санкт – Петербургтағы «Звезды белых ночей» атты XXII музыка фестиваліне қатысады (ФОТО)
«Бір жылдан аса тынымсыз еңбегіміз бен Қазақстан мен шетелдегі көрермен алдындағы өнер көрсетулер бүгінде ұжымның біртұтас, бір актілі балетті сахналауға дайын екенін көрсетті. Біздің идеяларымызды жүзеге асырып және бидегі өз мәнерін енгізе алатын хореографты іздеу ұзаққа созылды. Көркемдік басшылықтың таңдауы біздің пайымдауымызша, қазіргі замангғы ең тартымды балетмейстерлердің бірі, мәскеулік хореограф Никита Дмитриевскийге түсті. Бізге даму, жаңа ағымдар мен бағыттарды байқап көру, көрерменге ұғынықты, дей тұрғанмен де қазақ халқының өзіндік ерекшелігін айқындайтын заманауи би тілімен тілдесу маңызды»,-деп түсіндіреді жаңа қойылымның негізгі мақсатын Күзембаев мырза.
«ӘЛЕМ» балетінің премьерасы 2014 жылы 27 маусымда Астана қаласындағы Бейбітшілік пен Келісім сарайында үлкен табыспен өтті.
Естеріңізге сала кетейік, Халықтық және заманауи хореографияның классикалық дәстүрлері мен ең соңғы үрдістерін шебер біріктіре білген бірегей «Astana Ballet» хореографиялық ұжымы 2012 жылдың күз айында құрылды. Театр Қазақстан Республикасының Президенті Нұрсұлтан Назарбаевтың жеке ұсынысы бойынша ашылды.
Театр репертуарында отандық және шетелдік хореографтардың қатысуымен жасалған 50-ден астам қойылым бар. Бүгінде «Astana Ballet» қызықты шығармашылық жобаларды жасау арқылы көрермендердің әртүрлі буын өкілдері арасында үлкен сұранысқа ие. Алдағы уақытта Европа елдерінің астаналарына гастрольге шығу жоспарланып отыр.
