ХҚКО-ларда көшірме қызметтерінің бағасы кемінде екі есе төмендейтін болады

22 Шілде, 2014 15:14

Облыс орталықтарының «ХҚКО» РМК 11 филиалында пилоттық жоба аясында көшірме аппараттары орнатылған. Енді халыққа қызмет көрсету орталықтарының клиенттері көшірме-көбейту қызметтерін оңтайлы бағалар бойынша алатын болады, деп ҚР Байланыс және ақпарат агенттігінен хабарлады.

Бұрын мұндай қызметті тек ХҚКО аумағында өз аппараттарын орнатқан жеке кәсіпкерлер көрсететін еді, мұнда бағасы 20-30 теңгені құраған, ал кейбір облыстарда бір көшірме 60 теңгеге дейін барған.

«Біз халыққа қызмет көрсету орталықтарында сервистің сапасын үздіксіз арттыруға мүдделіміз. Көшірме-көбейту пункттері қызметінің құнына тек шығыс материалдары мен жұмысты ұйымдастыруға ғана шығындарды қамтиды. Біз клиенттер үшін аз шығындарға қол жеткізуге ұмтыламыз. Осыған байланысты көшірме-көбейту қызметтерінің бағасын 10 теңге деңгейінде бекіттік», - деді Қазақстан Республикасы Байланыс және ақпарат агенттігі төрағасының бірінші орынбасары Сәкен Сәрсенов.

Ағымдағы жылғы үшінші тоқсанның соңына дейін «ХҚКО» РМК көшірме-көбейту қызметтерінің тағыда 48 нүктелерін ашуды жоспарлап отыр. ХҚКО жаңа сервисі Павлодар, Солтүстік Қазақстан, Жамбыл, Алматы, Оңтүстік Қазақстан, Ақмола және басқа облыстарда ұйымдастырылды.

Барлық жаңалықтар