Қадағаланбайтын экономиканың негізгі үлесі сауда, ауылшаруашылығы мен көлікке тиесілі – Ұлттық банк
22 Шілде, 2014 13:04
Қазақстанда қадағаланбайтын экономиканың үлесі 65%-ға жетті, оның ішінде басты үлес сауда, ауылшаруашылығы мен көлікке тиесілі. Бұл туралы «Заңдастыру - 2014» бағдарламасының мәселелері бойынша өткен телекөпірде ҚР Ұлттық банк төрағасының орынбасары Қуат Қожахметов мәлім етті .
«Қадағаланбайтын экономиканың негізгі үлесі (64,6%) мынадай секторларға тиесілі. Сауда - 22,9%, ауыл шаруашылығы - 15,6%, көлік - 14,1 %, жылжымайтын мүлікпен операция - 12,0%», - деп баса айтты ҚР Ұлттық банкі төрағасының орынбасары.
Сонымен қатар, Қ. Қожахметов қадағаланбайтын экономиканың ЖІӨ көлеміндегі үлесі 2005-2012 жылдар аралығында 19%-дан асты деп атап өтті.
