И.Тасмағамбетов ЮНЕСКО-ның медалімен марапатталды

«Осындай маңызды халықаралық форумды өткізу бізге үлкен мәртебе. Алдымен, астаналық үнқатысу алаңын таңдау - бұл ЮНЕСКО-ның Қазақстанға, оның Мемлекет басшысы Нұрсұлтан Назарбаевқа деген зор сенімінің айқын көрсеткіші. ЮНЕСКО біздің еліміздің халықаралық бастамаларына үнемі ерекше назар аударуда», - деді И.Тасмағамбетов.

Сонымен қатар елорда әкімі ұзақ жылдар бойы ЮНЕСКО құрылымымен тікелей жұмыс істеп, Қазақстанның ұлттық комиссиясын басқару бақытына ие болғандығын атап өтті.

Әкімнің айтуынша, бұл жылдар кәсіби тұрғыда, сонымен бірге әлемнің түрлі елдеріндегі әріптестеріммен жеке қатынаста да ұмытылмас сәттерімен ерекше.

«Сондықтан бүгін осындай беделді халықаралық ұйымның марапатына ие болу мен үшін үлкен мәртебе. Бұл менің ғана еңбегім емес, ЮНЕСКО миссиясын орындауда білімі мен жанын берген барлық әріптестеріме берілген жоғары баға», - деді әкім.

Әкімнің пікірінше, астаналық диалог алаңының таңдау – ЮНЕСКО-ның Қазақстан мен ҚР Президентіне деген жоғары сенімнің көрсеткіші.

Әкім ЮНЕСКО-ның бас директоры Ирина Бокованың шешімімен марапатталды.

Камила Амирова